Ланецот луксузни вили наречен „Anantara Kihavah“ е наменет за оние кои имаат можност да го искусат луксузот кој има голема цена.
Всушност станува збор за екстремнолуксузно одморалиште и спа-центар на Малдивите, кое нуди примамлива содржина, луксузен ентериер, луксузни погодности, ретки специјалитети и релаксирачко уживање.
Тука можете да се релаксирате на прекрасните плажи, да ги вкусите прекрасните коктели, да го посетите спа центарот кој ви нуди егзотични масажи, да ги вкусите специјалитетите од локалната кујна или да се релаксирате во џакузи бањата во вашата соба истовремено гледајќи кон прекрасната околина.
Комплексот се состои од 74 вили и 6 екстралуксузни резиденции, со фантастичен ентериер кој вклучува бамбус, големи базени, џакузи, дрвени тераси, надворешни туш кабини, и волшебни пејсажи кои вредат повеќе од се.
За престој во ваквиот луксуз, зависно од изборот на услугите, цените се движат од 1,190 до 4,990 долари.
