Најексклузивниот парфем досега е новото издание кое е наречено „Roberto Cavalli Gold Edition“, кое ќе се појави оваа пролет. Новото шише на парфемот е многу ексклузивно, а лансирано е како резултат на љубовта која овој дизајнер ја чувствува кон златото. Мирисот е едноставно фасцинантен, комбинација на арапските ноти, шафранот, дрвените ноти и мистериозниот темјан.
Шишето и капачето во облик на круна целосно се прекриени со листови од бело злато, додека неверојатниот привезок со 138 бели и 121 црн дијаман го украсува грлото на ова шише. Ова парче накит може да биде употребено како прстен или како привезок. Шишето е сместено во елегантната кутија, изработена од позлатен месинг со крокодилски шаблон, а е креација на Роберто Кавали лично.
Со цел овој парфем да биде уште полуксузен, ќе бидат произведени само три парчиња од оваа серија.
