Кападокија е едно од оние места кои морате да ги видите со свои очи за да поверувате дека постои…
Убавината на ова место која како да не е од овој свет, потекнува од таинствениот и уникатен пејсаж, како и од магичните оџаци по кои овој регион е познат. „Argos in Cappadocia“ е луксузен хотел кој на совршен начин се вклопува во целокупниот амбиент, додека на своите гости им нуди многу луксузни услуги и врвно сместување.
Самиот хотел е сместен во срцето на овој регион, во старото село Учисар, на местото на древниот манастир кој е реновиран, за да ги достигне највисоките стандарди за луксуз и комфор кои ќе ги задоволат и најпребирливите гости. По сето тоа, се крие уште едно изненадување – интересен лавиринт кој се состои тунели и подземни премини, кои некогаш биле тајни скривници, а сега се претворени во соби за состаноци и вински подруми, кои содржат вино со висок квалитет од лозјата на хотелот.
Кога ќе ви се јаде, „SEKI“ ресторанот е совршено место за уживање во многу вкусни оброци и вина. Откако ќе ги „наполните батериите“, уште еднаш почнете да го истражувате овој прекрасен регион, кој личи на земја од бајките…