Берлин – Стапката на инфлација во Германија, најголема европска економија, падна во март на најниско ниво во последните три години, покажаа официјалните податоци во Берлин. Трошоците за живот минатиот месец пораснале 1 отсто на годишно ниво, во однос на растот од 1,2 отсто од февруари, соопшти германскиот Завод за статистика.
Берлин – Германскиот трговски ланец Метро кеш енд кери, привремено ги затвори двете свои продавници на Крим. Шефот на прес службата Метро за Украина Олесја Олењицкаја потврди дека се затворени двете продавници на тој ланец во Крим, во Симферопољ и во Севастопољ.
Белград – Топланите во Србија ги очекува преминување на наплатата по испорачана топлотна енергија од 1 септември оваа година, вели Дејан Стојадиновиќ. Претседателот на Управниот одбор на Деловното здружение на Топлана Србија Дејан Стојановиќ укажа дека таквите системи за читање постојат во седум градови, додека во преостанатите 51 топлани или делумно се направени или воопшто не се поставени.
Брисел – ЕУ за сега има доволно гас и очекува Русија да продолжи редовно да ги снабдува наспроти предупредувањето на претседателот Владимир Путин, порачано е од Европската комисија. Путин во четвртокот предупреди дека поради долговите на Украина за испорачаниот гас, Русија може да го запре извозот за Европа.
Лондон – Глобалниот телекомуникациски гигант Водафон презема целосна контрола над својата филијала во Индија, за 1,2 милијарди евра, потврдено е од компанијата. Водафон обавестува дека сега поседува 100 отсто акции во индиската филијала Водафон Индија лимитед, се наведува во соопштението на компанијата.
Киев – Украина се надева дека ќе може да купува гас од Европа за да ги подмири потребите за тој енергент, изјави министерот за енергетика на Украина Јуриј Продан. Според неговите зборови, Украина истовремено се плаши дека Русија ќе ја прекине доставата на гас на Киев поради неговото одбивање да плати политичка, неекономска цена за гасот.
Загреб – Кон крајот на март во евиденцијата на хрватскиот Завод за вработување имало 376.866 невработени лица, што во однос на февруари е намалување од 2,0 отсто. Намалувањето на бројот на невработените во март во однос на февруари е прво намалување на месечното ниво од август минатата година.
Париз – Франција за 48 милиони долари го продава луксузниот апартман на својот амбасадор при ОН во Њујорк, пренесоа француските медиуми. Луксузниот апартман, купен во 1979 година за 2 милиона долари, се наоѓа во квартот Менхетен, во зградата која Њујорк ја нарекува зграда на милијардери. Изградена е во 1929 година по порачка на дедото на Џеки Кенеди, Џејми Т. Ли.
Лондон – На Велика Британија ќе и треба подолго време за враќање на врвниот рејтинг ААА, ако Шкотска на референдумот во септември изгласа независност. Тоа е соопштено од американската агенција за оценка на кредитни рејтинзи Фич.
Пекинг – Продажбата на нови автомобили во Кина во март порасна за 6,6 отсто, што е далеку помала од февруари кога е забележан раст од 18 отсто, соопшти асоцијацијата на кинеските автомобилски производители. На најголемиот автомобилски пазар минатиот месец продадени се 2,17 милиони возила. Тој раст пред се се објаснува со завидната побарувачка на странските производители како што се Тојота и Форд. Продажбата на возилата на компанијата Тојота во Кина во март пораснала 19 отсто а на Форд возилата за 28 отсто.
Рим – Авионската компанија Етихад Ервејз со седиште во Абу Даби, планира да инвестира во италијанската групација Алиталија, која е во големи финансиски проблеми. Етихад Ервејз, според овие информации, со сума од 350 милиони евра треба да обезбеди сопственост над 49 отсто капитал од италијанскиот авионски превозник.
Коментари