Македонија лани ја посетиле 2,5 отсто повеќе туристи од 2011 година. Како што соопшти Државниот завод за статистика, бројот на домашните туристи е намален за 2,4 отсто, а на странските е зголемен за 7,3 проценти.
Бројот на ноќевањата е намален за 1 отсто, кај домашните туристи за 5,5 проценти, додека кај странските е евидентирно зголемување за 7,5 проценти.
Во декември лани во однос на истиот месец во 2011 година, бројот на туристи бил 31.396, а бројот на ноќевањата 63.260. Бројот на туристите е намален за 4,5 отсто, а на ноќевањата е зголемен за 0,5 отсто. Бројот на домашните туристи е намален за 7,1 отсто, а на странските за 2,1 процент. Бројот на ноќевањата на домашните туристи е намален за 1,2 отсто, а бројот на ноќевањата на странските е зголемен за 2,1 процент.