Два дена откако го најави затворањето на фабриката во Австралија, „Philip Morris“ денес најавува затворање и на фабриката за цигари во Холандија.
Меѓународниот производител на цигари „Philip Morris“ оваа година ќе ја затвори и фабриката во Холандија и ќе угаси 1,230 работни места поради големиот пад на продажбата.
„Денешното исклучително тешко соопштение е резултат на длабоки и темелни проценки на сите достапни опции“, се наведува во соопштението на компанијата, пренесува агенцијата Франс прес.
„Philip Morris“ ќе ја затвори фабриката во холандскиот град Берген, од која најголем број на произведени цигари одат на европскиот и јапонскиот пазар.
Како што се наведува во соопштението на компанија, продажбата во последните четири години е намалена за 20 проценти, за што е виновна финансиската криза, но и фактот што луѓето се повеќе пушат поевтини цигари или користат тутун за виткање.
