Минатата година „Sunset Strip“ вилата во Холивуд беше ставена на продажба по цена од 6.399.000 долари…
Сега оваа вила во шпански стил и понатаму е на продажба, но по намалена цена од 5.750.000 долари. Оваа луксузна вила е реновирана пред 16 години. Вилата има четири спални соби, четири бањи, приватна канцеларија и поврзан апартман за гости.
Овој луксузен дом има двокатно фоаје и дневна соба која многу лесно може да се претвори во домашно кино.
Нејзините дистинктивни елементи се во рустичен стил, како што се многу високо изложените плафонски греди. Во главниот апартман ќе видите издигнат дел за седење, камин, широки плакари и сауна.
Во надворешниот дел на овој прекрасен имот ве очекува двор декориран со цигли, со базен и висока жива ограда поради приватност.
