Компанијата „Yahoo“ најверојатно работи на свој единствен сервис за видео снимки кој би требало да биде конкурент на „YouTube“ на „Google“.
Претставниците на оваа компанија веќе започнаа преговори со бројни интернет страни,телевизиски куќи, па и со индивидуални корисници на „YouTube“, се со цел да се приклучат на нивната нова платформа.
Од кога Мариса Мајер дојде од компанијата „Google“, „Yahoo“ остварува позитивни резултати и успеа да закрепне до стабилна основа. Според нејзините зборови, главните приходи на оваа компанија во иднина ќе бидат од електронската пошта, пребарувањето и друштвените мрежи, а исто така имаат во план работењето да се шири и на други платформи.
