Претставници од Федерацијата на фармерите ќе имаат тридневен студиски престој во Унгарија каде што ќе реализираат средби со градинари, претпријатија и владини институции кои работат на развој на земјоделството.
Целта на патувањето е реализирање на средби и размена на искуства со унгарските земјоделции и институции во полето на кооперативите и градинарствто.
Првата средба ќе се реализира со македонскиот амбасадор во Унгарија, Дарко Ангелов.
Во рамки на тридневниот престој ќе бидат остварени средби во Министерството за земјоделство каде ќе се разговара за Системот на финансиска поддршка на ЕУ за групи на производители и организации на производители во секторот градинарството.
Една од главните средби е состанокот со Истван Јакаб, потпретседател на унгарскиот парламент и претседател на Национална асоцијација на здруженија на унгарските фармери и кооперативи.
Студискиот престој е реализиран од страна на Федерацијата на фармерите и консултанстката куќа МЦГ, со поддршка од Агбиз програмата на УСАИД.
