Берлин – Германската министерка за заштита на животната средина Барбара Хендрикс ги советуваше Германците своите станови и куќи да ги затоплуваат само до 20 степени Целзиусови. Хендрикс тоа го препорача на своите сонародници имајќи го предвид извештајот на Обединетите нации, според кој климатските пролеми ќе имаат видливи дејствија во секојдневниот живот на луѓето, пренесе таблоидот Билд, предупредувајќи дека тоа не е првоаприлска шега. – Може да се случи, ние во централна Европа… можеби нашите станови да нема да можеме да ги затоплуваме до 22 или 23 степени, туку само до 20 или 21 степен Целзиус… – рече министерката по повод извештајот на ОН и ги советуваше Германците при ниски температури да облечат уште еден џемпер.
Загреб – Просечната месечна нето плата по вработен во Хрватска, за јануари оваа година изнесуваше 5.553 куни (726 евра). Тоа е номинално за 0,1 отсто помалку, а реално на ниво на декември минатата година, покажуваат податоците на хрватскиот Државен завод за статистика. Во однос на јануари 2013 година, просечната месечна нето плата во првиот месец оваа година, номинално е повисока 0,4, а реално 0,3 отсто.
Токио – Цените во Јапонија се зголемија, откако стапи на сила контроверзниот закон за зголемување на данокот на ДДВ. Во обид да го стави под контрола огромниот јавен долг, официјално Токио ја зголеми стапката на ДДВ од 5 на 8 отсто, што поттикна страв од пад на личната потрошувачка, која може да го загрози постепеното економско зајакнување на третото во свет најголемо стопанство.
Белград – Државата може бесплатно да ги потпише сите нелегални објекти, за што би земала кредит од Светска банка од 60 милиони долари, вели министерот за градежништво Велимир Илиќ. Поради недоволниот одзив на граѓаните на повикот за легализација, петти во последната деценија, но и игнорирањето на можноста за т.н. катастарска легализација, државата можеби ќе биде принудена на таков чекор. Како образложение за тоа, министерот ја наведе општата беспарица, во која граѓаните немаат пари да ги платат трошоците за легализација, ни за упис во Катастарот од околу 100 евра.
Бања Лука – Новите голфови на неделата, пежоа, пасати и новите фолксвагени на полицијата и скутерите се само прв контингент на нови возила за полицијата за Република Српска. До јуни се очекува пристигнување на вториот контингент од исто така 200 возила. Покрај тоа, оваа година полицајците на РС ќе добијат и нови униформи и чевли. Што се однесува до ризикот, сега возилата на МВР на РС имаат поинаква нијанса на сина боја и хаубите им ги краси грбот на Полицијата на РС.
Берлин – Норвешка не може многу да ги зголеми испораките на гас во Европа во случај на намалена набавка од Русија, вели норвешкиот министер за нафта и енергија Торд Леин. – Ние можеме во краткорочна перспектива да го зголемиме производството на гас, но не значително – рече министерот во интервју за германскиот весник Ханделсблат. Според неговите зборови, Русија е лојален снабдувач со гас, но во иднина ЕУ може да го зголеми купувањето на енергенти во САД и Африка, благодарение на проширените капацитети за прифаќање на течниот нафтен гас ТНГ.
Белград – Белгискиот трговски ланец Делез со групата Тропик потпиша договор за продажба на 39 свои продавници во Босна и Херцеговина. Групата Тропик е компанија чиј основач е угледниот трговец Бојан Рисовиќ, соопшти Делез. Се очекува трансакцијата да биде завршена во третиот квартал, по одобрување на регулаторните органи и прилагодување на обртниот капитал
Загреб – Хрватскиот главен град ќе добие деловно-станбен комплекс, кој ќе биде деловна кула од 135 метри и хотел висок 120 метри. Покрај тоа, ќе бидат изградени и две станбени згради од 95 т.е. 74 метри. Изградбата на комплексот на згради од 4 облакодери од околу 150.000 квадратни метри ќе чини околу 150 милиони евра. Предлогот за инвестицијата во Собранието го прати градоначалникот Милан Бандиќ, а инвеститор е компанијата Савица Проект.
Подгорица – Во пет од 21 црногорска општина вработените примаат повеќе од просечната плата која во февруари како што соопшти Заводот за статистика Монстат, изнесувала 480 евра. Највисока просечна плата примале вработените во Плужани – 579 евра, Тиват 572, Плијевља 537, Подгорица и Будва 503 евра, додека во другите градови просечните плати биле помали од државниот просек. Најмалата плата во Црна Гора и понатаму е во Улцињ каде во тој месец изнесувала 376 евра.
Пекинг – Силниот развој на брзата железница во Кина се одрази негативно на работењето на авионските компании во таа земја, бидејќи се повеќе луѓе патуваат со воз. Кинеската авионска компанија Чајна саутерн ерлајнз забележа намалени деловни резултати минатата година. Нето профитот на оваа компанија падна за 24 отсто, на 321 милион долари, а оперативниот профит падна дури за 70 отсто.
Сиднеј – Агенцијата за недвижнини Форсит Риал Истејт, со седиште во Сиднеј, од 26 април ќе ја прифати виртуелната монета биткоинот, како средство за плаќање на своите услуги. Ова е прва австралиска агенција која се одлучила на ваков чекор. Агенцијата пружа можност за плаќање на недвижнини преку платформа за плаќање со биткоин КонЏар, која ја конвертира виртуелната монета во долари со надомест од 0,5 отсто на вкупен износ на трансакцијата.
Москва – Русија сопствениот национален систем за платежни картички ќе го покрене во рок од два до шест месеци, по усогласување на законот. Тоа го пренесе шефот на руската Сбербанка Герман Граф на претседателот на Русија Владимир Путин. – Разговаравме за ова прашање на состанок со претставниците на Централната банка. Потребни се промени во законот, што може да се направи многу брзо – рече Гаф.
Коментари