Авиокомпанијата „Air France“ ја отстапува регионалната филијала „City Jet“ на германскиот авиопревозник „Intro Aviation“ со цел одржување на комерцијалната соработка меѓу двете компании.
Француската авиокомпанија одлучи да ја прифати понудата на германската компанија „Intro Aviation“ за откуп на „City Jet“ и нејзините филијали „VLM“ кои ги доби во декември минатата година, се наведува во соопштението на „Air France“, пренесува агенцијата АФП.
Преземањето на „City Jet“ е планирано за крајот на април.
„Air France“ и „City Jet“ ќе ја задржат комерцијалната соработка во рамките на индустрискиот проект, кој пред се предвидува развој на летови под брендот „City Jet“ со поаѓање од Лондон кон европските дестинации, како и зачувување на летовите со полетување од Париз за потребите на „Air France“, се вели во соопштението.
