Судејќи според потпретседателот на „Motorolа“, Магнус Алквист, нивниот смартфон, „Moto G“, стана најпродаваниот телефон во историјата на компанијата.
Ова е најпродаваниот телефон во историјата на Motorola
Иако е веќе познато дека „Moto G“ ги надмина очекувањата на компанијата, доста е импресивно и тоа што успеа да го надмине секој друг смартфон кој „Motorola“ го има направено и тоа за само 6 месеци.
Алквист објасни дека голем фактор во продажбата бил и индискиот пазар, каде корисниците се доста пребирливи кога смартфоните се во прашање. „Motorola“ успеа да излезе на крај со тоа со помош на партнерството со „Flipkart“, големата интернет продавница, и нивната одлука „Moto G“ да го продаваат исклучиво на интернет.
Иако ова се чини како многу чуден потег, одлуката се покажа како исправна.
Станува збор за смартфон со 4.5-инчен екран со резолуција од 720 пиксели, „Android 4.3“, 1.2GHz „quad core“ процесор, 8GB простор за складирање на податоците и камера од 5 мегапиксели.
„Moto G“ чини 179 долари за верзијата со 8GB интерна меморија и 199 долари за верзијата со 16GB.
Ова е скоро двојно поевтино во споредба со „Nexus 5“ и значително пониско од било кој друг конкурентски смартфон. Нормално, вака ниската цена значи и одредени компромиси.
„Moto G“ најверојатно нема да има поддршка за „4G/LTE“, но затоа ќе биде достапен во 19 бои.