„Nardelli Luxury“, еден од главните брендови на светскиот пазар за аксесоари, ја потврдува својата водечка позиција на „Basel World“ саемот за часовници и накит…
Тие овој пат ја претставуваат новата „Liu Jo Luxury Time“ колекција, односно линија на престижни часовници со иновативен дизајн кој ја реинтерпретира стилската традиција на Италија, збогатена со драгоцени детали.
Како прекрасни часовници и беспрекорни модни аксесоари кои се погодни за носење во различни прилики, овие парчиња лесно се вклопуваат со стилот и расположението на личноста која ги носи.
Оваа колекција ни претставува луксузни часовници кои се движат од спортски парчиња за носење во текот на денот до елегантни вечерни предмети, кои се совршена придружба на префинетиот вечерен стил. „Liu Jo“ колекцијата ни ја претставува современата женственост и гламурот. Најдобрите парчиња од оваа колекција се направени од челик, сребро, розево и жолто злато, додека пак, достапни се во неколку големини. На тој начин, овие луксузни часовници можат да ги задоволат вкусовите и на најпребирливите дами.
„Dancing“ часовникот е главниот предмет на нивната рекламна кампања. „Steeler Pave“ моделот ни претставува непогрешлив метрополитски стил, додека „Square“ часовникот има елегантен и префинет дизајн. Овие модели се главни протагонисти на „Liu Jo Luxury Time“ колекцијата.
