Францускиот производител на авиони, „Airbus“ потпиша договор за испорака на четири авиони од типот A320ceo“, со новата саудиска авиокомпанија „Saudi Gulf“.
Како што пренесува Ројтерс, овие авиони, опремени со уреди кои обезбедуваат намалена потрошувачка на гориво, на нарачателот ќе му бидат испорачани на почетокот на 2015 година.
Новооснованата компанија „Saudi Gulf“ предвидува почеток на работењето во првиот квартал од 2015 година, најпрво во Дамам, а потоа во Џеда и Ријад, главниот град на Саудиска Арабија.