„Eau de Cashmere“ е најновиот луксузен парфем на познатата француска парфимерија „Guerlain“…
Овој парфем е луксузен освежувач за облека. За облеката да ви мириса свежо, нанесете малку од овој унисекс мирис директно на вашето омилено парче облека и на вашите секојдневни предмети од кашмир. Се состои од лаванда, свеж бергамот и мандарина. Завршниот слој се состои од кедар, ветивер и мошус. Секако, може да биде користен и како парфем, а погоден е за комбинирање со другите „Guerlain“ парфеми од „Guerlain l’Art & Matiere“ колекцијата, како што се „Noire“, „Cruel Gardenia“, „Myrrhe et Delires“ и „Bois d’Armenie“.
Ова е трет „Guerlain“ мирис во нивната луксузна линија на парфеми за облека, по „Eau de Lit“ и „Eau de Lingerie“. Цената за овој луксузен парфем е 200 долари за шишенце од 125 мл, а достапен е за купување онлајн преку сајтот на „Guerlain“ и во други луксузни парфимерии.
