Шведскиот гигант во производството и дистрибуцијата на облека „H&M“ (Hennes&Mauritz) во февруари ја зголеми продажбата за 11 проценти, што сепак е под очекувањата на аналитичарите, чија средна проценка изнесуваше 14 проценти.
Во последните три месеци месеци (декември-февруари), вкупните приходи од продажбата изнесуваа 32,1 милијарди шведски круни (3,61 милијарди евра), додека во истиот период претходната година тие изнесуваа 28,4 милијарди круни.
Вредноста на остварените приходи во овој квартал е речиси приближна на очекуваното ниво (32,2 милијарди круни), пренесува Ројтерс.
