Откако пристигна на челната позиција на „Yahoo“, Мариса Мајер значително го промени начинот на кој „Yahoo“ како компанија функционира.
Најновите промени се однесуваат на начинот на кој во иднина ќе може да се пријавувате на сервисите на „Yahoo“. Досега како „Yahoo ID“, можеше да се користат и оние од „Facebook“ или „Google“, но во иднина нема да биде така. Најновата одлука е да се отстрани поддршката за „Facebook“ и „Google“, т.е. да се овозможи пријава на сервисите на компанијата исклучиво по пат на „Yahoo ID“.
На овој начин пријавувањата ќе започнат од понеделник, 10-ти март, а како прва жртва е избран сервисот „Yahoo Sports Tourney Pick’Em“, а истиот рецепт ќе биде применет и за останатите сервиси, но засега не е познато од кога точно ќе стапи во сила оваа одлука.
