За да го прослават овогодишниот празник „Дебел Вторник“ на најделикатен можен начин, ресторанот „Opus“ во Манчестер ја изработи најскапата палачинка во светот досега…
„Дебел Вторник“ е манифестација која е дел од „Mardi Gras“ фестивалот. Доколку отидете во ресторан за палачинки, можете да очекувате листа со преливи која е прилично стандардна – сируп, овошје, џем, путер, сирење или уште овошја.
За оваа специјална најскапа палачинка користени се скапоцени преливи од морски плодови, како што се Белуга кавијар, шкотски јастог, „Hulle Verge“ тартуфи и шкотски школки. „Шлагот на тортата“ кога зборуваме за овој престижен доручек е „Dom Perignon Rose Hollandaise“ сосот со кој е сервирана палачинката. Тесто на палачинката е направено со истите состојки како и сите други палачинки.
Идејата за најскапата палачинка му паднала на ум на главниот кувар на овој ресторан, Метју Даунс. За само 20 минути оваа палачинка е подготвена за сервирање, што е доволно време да поразговарате за нејзината цена со вашите пријатели, која всушност изнесува неверојатни 800 фунти.
Единствениот елемент кој ја издвојува оваа екстравагантна палачинка од обичните е тоа што таа се сервира во форма на дебело парче торта, со светло розев прелив.
