Љубителите на музиката кои сакаат да го имаат најубавиот звук кој светот моментално може да го понуди, при самиот поглед на „Hart Audio’s D&W new Aural Pleasure“ престануваат со калкулациите и размислувањата за економската криза.
Дизајнот на овие звучници е инспириран од големото ѕвоно кое се наоѓа на Биг-Бен, а се произведуваат во бронза, сребро и злато од 18 карати, за да се постигне што подобра амплификација. Округлиот дизајн и древната технологија на акустиката на ѕвоното, им даваат можност на овие звучници на корисниците да им пружат перфектно аудио доживување. Секоја звучна кутија е тешка по 50 килограми и тоа без техничките компоненти кои се наоѓаат внатре во неа, а фактот дека е обликувана рачно, овој производ го прави уникатен. За лиењето била задолжена британската компанија „Basingstoke“, која е специјализирана за лиење на уметнички склуптури.
„Hart Audio’s D&W new Aural Pleasure“ се состои од три посебни звучници со држач кој овозможува да се подесува висината на која ќе стои звучната кутија. По препорака на производителот, поради постигнување на најдобри перформанси, звучниците треба да се постават во аглите на просторијата.
Овие звучници се произведени во 99 бронзени и 5 сребрени примероци, додека пак, 18-каратниот златен комплет е произведен само во еден примерок. Така, богатите љубители на музиката, на кои луксузот им се наоѓа пред се друго, за ова задоволство ќе мораат да одвојат 3 милиони фунти. За сребрената едиција ќе ви бидат потребни 200.000 фунти, а за бронзената „скромни“ 40.000 фунти.
