Италијанскиот бренд за накит „Damiani“ ја претставува својата нова колекција која добива инспирација од прекрасното ѕвездено небо…
Името на оваа колекција е „Via Lettea“, што на италијански значи Млечен Пат, а нејзиниот уникатен дизајн го опишува величенственото ѕвездено небо, со својата комуникација со белото, розевото и жолтото злато. Ова злато е комбинирано со бели, кафени и сиви дијаманти, кои се спојуваат во единствен дизајн. Со своето прекрасно злато и дијаманти, накитот од оваа колекција потсетува на ѕвездите кои треперат на ноќното небо.
„Via Lattea“ колекцијата се состои од прстени, обетки и нараквици, кои се направени со фокусирање на префинет дизајн и внимание посветено на деталите. Секое драгоцено парче од оваа колекција на луксузен накит е сведок на сјајната работа на „Valenza“ мајсторите и нивните вештини во користењето на префинетите производни техники.
Колекцијата ви претставува прекрасен прстен кој е окарактеризиран со светлина и волумен и во кој белото злато се наоѓа во совршена синергија со белите дијаманти, жолтото злато со сиви дијаманти и така креира совршен и волшебен ефект на ѕвездено небо. Исто така, достапни се и обетки и нараквици, во исти комбинации, кои вашиот изглед совршено ќе го потполнат.
