Овој спектакуларен стан кој се наоѓа во Менхетн, а се наоѓа во зграда со стара предвоена архитектура, може да биде ваш по цена од 7.495.000 долари…
Со прекрасна локација и 400 метри квадратни простор, во комбинација со околу 100 метри квадратни тераса, овој стан ви нуди совршен панорамски поглед на „Empire State Building“ и „Freedom Tower“.
Се состои од три спални соби и три бањи. Кога ќе излезете од еден од двата приватни лифта, ќе бидете воодушевени од шармантното фоаје и трпезаријата која дише во елеганцијата на 50-тите години.
Трпезаријата ве води до терасата која ви го нуди веќе споменатиот фантастичен поглед. На дофат на трпезаријата се наоѓа и домашната библиотека, со свој одвоен пристап до терасата, а која многу лесно се претвора во соба за гости. Станот содржи и гурманска кујна од „Calcutta“ мермер, со сосема голем простор за сите кујнски потреби.
Просторот за доручек со одвоени елементи е генијално отворен кон исток и запад. Драматична галерија со акцентирани ѕидови ве води до главната спална соба, со одвоена гардероба, направена од темен костен.
Тука се и додатните две спални соби, секоја има прекрасен поглед и големи и пространи плакари. Плафонот и понатаму ги има своите греди, кои му даваат помалку рустичен изглед, а прозорците се големи со бронзени завршни детали. Подовите се од дабово дрво, рачно се изработени и содржат фантастични детали. Погледнете и сами…
