Познатиот бренд на спортска опрема „Reebok“ одлучи да го промени своето добро познато лого.
Имено, сликата горе не претставува повеќе службено лого на „Rebook“, затоа што компанијата неодамна одлучи да го промени својот визуелен идентитет, и тоа по вторпат во своето 121-годишно постоење.
Претходната промена се случи во сега веќе далечната 1986-та година, кога „Reebok“ го промени логото со британското знаме со прецртани линии ( иако стариот изглед беше задржан на линијата производи „Reebok Classics“).
Новот лого е со симболот „делата“, кој претходно веќе се појави на линијата на производи „Crossfit“, а овие денови ќе биде воведено на целиот асортиман.
Потсетуваме, „Reebok“ денеска е во сопственост на германскиот гигант „Adidas“.