„Paolo Guzzetta Firenze LLC“ брендот постои веќе 50 години и многу успешно работи во полето на пијалоците, модата и индустријата на ентериерите…
Целта на овој бренд е производството на луксузни предмети, наменети за спечифичните куќни ентериери и клиентите кои обожаваат луксуз. Во асортиманот на премиер сетови за работни маси кои овој бренд ги произведува, се наоѓа и „Python“ колекцијата, креирана од најквалитетна кожа, класично декорирани токи направени од Паладиум. Оваа колекција е достапна во три бои: розева, зелена и „camouflage“.
При дизајнирањето на оваа колекција, која има изглед на вистинска кожа од питон со интересни бои, кожата која се користи за креација на колекцијата поминува низ процес кој се состои од три чекори, за да достигне врвен квалитет. Оваа колекција на вашата работна маса ќе и даде незамислив луксузен и префинет изглед.
Овој сет кој ви го претставуваме се состои од подлога за маса, прегради за писма, двострана рамка за слики, ножици и отворачи за писма, часовник за на маса, држачи за леплива лента, садови за пенкала, магнетни спојувалки, држачи за хартија и визит карти.
Секој предмет од оваа колекција е креиран да ви трае цел живот.
