Растот на вредноста на заедничката европска валута еврото е знак на враќање на довербата во политиката на еврозоната, во Франкфурт изјави претседателот на Европската централна банка (ЕЦБ) Марио Драги.
– Девизниот курс е резултат на долгорочна политика – изјави Драги, потсетувајќи дека девизниот курс не е во домен на работата на ЕЦБ.
Претседателот на ЕЦБ додаде дека европската финансиска институција ќе ги следи промените во курсот на еврото за да има увид дали тие се во согласност со тековната инфлација.
