„Dior“ ни го претставува новото ограничено издание од само 88 парчиња од нивниот најпознат часовник „Dior VIII Grand Bal Resille“…
Овој пат луксузниот часовник е декориран со розеви сафири и е совршен подарок за било која дама за Денот на Заљубените. Овој прекрасен часовник со пречник од 33мм има куќиште од квалитетна бела керамика и нерѓосувачки челик. Базата е декорирана со розеви сафири и круг од бисери. Предниот дел е прекриен со антифлективно сафирно кристално стакло, а обрачот е декориран со бели керамички примероци.
Овој прекрасен и луксузен часовник има бел бисерен бројчаник кој претставува декорација која ќе биде патентирана, со осцилирачки тег од бело злато кој е декориран со 125 светлечки розеви сафири.
Луксузниот часовник се движи со „Dior Inverse 8 1/4“ автоматски механизам, кој е посебно направен за часовник со пречник 33мм, за прекрасниот тег од бело злато да може убаво да се вклопи. Резервната енергија му е 38 часа, а водоотпорен е до 50 метри длабочина. Цената е достапна на барање.