Во однос на очекувањата, потфрлија резлутатите на јапонски „Canon“, а причината за тоа е падот на побарувачката на фотоапарати, бидејќи купувачите се повеќе ги користат паметните телефони за фотографирање.
Нето-профитот на јапонската компанија порасна во минатата година за 2.6 отсто на 230.5 милијарди јени (2.2 милијарди долари), благодарејќи на слабиот јен и мерките за штедење, што сепак е понизок во однос на прогноризираната заработка од 240 милијарди јени.
Приходите во исто време пораснале за 7.2 проценти на 3.7 билиони јени, а профитот од работењето за 4.1 процент на 337.3 милијарди јени.
За разлика од повеќето јапонски компании чија финансиска година завршува во март, финансиската година на „Саnon“ е еднаква на календарската.
Растот во профитот е остварен пред се поради намалувањето на трошоците и намалувањето на вредноста на јенот, истакнуваат од „Саnon“. Јапонските извозници имаа корист од минатогодишниот остар пад на јенот, поради што пораснаа нивните приходи од странство.
