Сите љубители на „Bentley“ брендот ќе се воодушеват од новата „Bentley Home“ колекција на мебел која е прикажана на саемот во Париз…
Оваа колекција на овој бренд, всушност е продолжување на трендот од минатата година. Подобрена со неколку нови елементи, целата оваа колекција е многу внимателно замислена и развиена од страна на архитектот Карлo Колумбо, во соработка со Даниеле Сесемори.
Инспирирана е од врвната вештина на изработка и луксузните материјали кои го карактеризираат ентериерот на сите „Bentley“ автомобили. Оваа колекција се состои од луксузно дизајнирана софа, фотелја, кревет и многу други предмети.
Оваа колекција е претставена во неутрални бои како што се „Mocha“, „Cognac“, „Taupe“, „Quartz“, „Grey“ и „Ice“, а за постигнување на најлуксузен изглед, добила и допир од пурпурно-црвена, боја на црвено вино,цигла-црвена и сина нијанса.
Направена е од луксузни кожи, сензуални материјали, префинето кадифе и лесен кашмир, а на секое парче може да се види логото на „Bentley“ брендот.