Неверојатниот „Wellington“ имот ќе биде продаден на аукцијата која ќе се одржи на први март, со почетна цена од 6,5 милиони долари, а се очекува дека ќе достигне многу повисока цена…
Овој имот се наоѓа во внатрешноста на „Homeland“ заедницата, која всушност е развоен ранч во Палм Бич на Флорида. Покрај многуте свои погодности и додатни градби, овој имот претставува неверојатна луксузна вила, отворен простор за забава и релаксација.
Замислена е како приватен дом, со посебно посветено внимание на деталите. Главната резиденција и куќата за гости заедно нудат преку 700 квадратни метри простор, со пет спални соби и 5 бањи. Ентериерите се богато и моќно декорирани со дрвени и камени камини, мермерни подови и венецијански украси на плафоните.
Отворениот простор претставува голема ложа со многу простор за опуштање, камин, скапоцени телевизори со пратечка аудио опрема. Тука е и базенот, кој содржи солена вода, а покрај него се наоѓа камен водопад, тобоган, бар во вода и џакузи со телевизор и аудио систем.
Овој имот има и голем ограден простор за јавање, шест кафези, четири штали, езеро со риби, како и полу-приватно езеро за возење чамец и пливање. Тука е и големата гаража, како и во потполност опремениот професионален фитнес центар.
