И денеска продолжува штрајкот што почна вчера во медиумите во Грција, објави весникот Етнос. Советот на уредници од дневните весници во Атина објави дека донеле одлука за нов 24-часовен штрајк од деенска до утре изутрина.
Во штрајкот учествуваат новинари од националното радио и телевизија, во атинската информативна агенција, во главниот секретаријат за медиуми, во локалните радио-станици како и во телевизискиот канал на парламентот.
Грчката новинска агенција целосно ја запре работата.
Во соопштение се наведува дека „продолжува борбата за потпишување колективни договори“ и оти протестите ќе бидат во сите медиуми од државниот и приватниот сектор. „Упатуваме осуда до акциите на Владата кои предизвикаа ликвидирање на колективните договори и драстично намалување на платите“, се вели во соопштението.
