Додека некои луксузни модни куќи како што се „Louis Vuitton“ или „Gucci“ ги намалиле стапките за раст, главно поради забавувањето на кинеската економија, за некои луксузни брендови, како што е „Dior“ побарувачката не е намалена.
„Колку што креативноста и квалитетот се поголеми, толку повеќе високата мода има поголем успех, изјави претседателот на „Dior“, додавајќи дека компанијата профитирала од подмладувањето на клиентелата во Америка и стекнувањето на нови клиенти во Азија.
Во првиот квартал од фискалната 2013-2014 година, завршен на крајот на септември „Dior“ ја зголеми продажбата за 19 проценти, на 369 милиони евра, додека вредноста само на малопродажбата е зголемена за 23 проценти.
Одговарајќи на барањата на помладите клиенти, дизајнерот на „Dior“ Раф Симон, за новата сезона креираше колекција која се карактеризира со убавината на младоста.