Во текот на 2013-тата година, беше лансирана „Caryali“ јахтата од страна на „Alloy Yachts“ компанијата…
Оваа јахта е дизајнирана со цел да се искомбинираат елеганцијата и луксузот со отпорноста и силата на истражувачкото пловило. Долга е 128 стапки, а екстериерот го дизајнирал Рене ван дер Велден, додека дизајнот на прекрасниот ентериер се препишува на „Grossman“ ентериери.
На прв поглед, оваа јахта делува малку старомодно, но кога ќе се загледате во неа ќе го забележите луксузот насекаде по неа.
Внатре, ќе видите прекрасни дрвени панели, кожни ролетни и тапацир од мохар и свила, лизгачка стаклена врата, потполно опремена теретана и големи панорамски прозорци.
Екстериерот има доста палуби за сончање, како и бар и место за скара, трпезарија, маса за игри и големо џакузи.
Има еден главен апартман и четири апартмани за гости, а на неа удобно можат да бидат сместени 10 луѓе.