Американскиот претседател Барак Обама го потпиша законот за привремено зголемување на долгот на земјата, што значи дека до 19 мај американската влада нема да има потреба да бара одобрување од Конгресот за понатамошен раст на националниот долг, објавено е во Вашингтон.
Претходно одобрената граница за задолжување на државата во висина од 16,4 илјади милијарди долари, ќе биде надминат со одобрение на двата дома на Конгресот на САД, за околу 450 милијарди долари.
Ова ограничување ќе биде надминато, според експертите, во текот на овој месец. САД без законот кој го потпиша Обама вчера, ќе мораше да објави технички банкрот, со што би се парализирале повеќето од јавните служби, и најголемата економија во светот би ја ставило во кризна состојба.
