Новиот „Zenbook“ доаѓа со 13,3-инчен „IPS“ екран со „Full HD“ резолуција од 1920×1080 пиксели. Екранот е чувствителен на допир и дополнително е заштитен од гребнатини со помош на „Gorilla Glass“. Има сооднос од 16:9 и „LED“ позадинско осветлување. Димензиите на овој лаптоп се 325x226x17,2 мм.
„Zenbook UX302LA“ има „Intel dual-core Core i5-4200“ со такт од 1,6 GHz и интегрирана „Intel HD 4400“ графика. Тој доаѓа со „4 GB DDR3 RAM“ меморија која може да се прошири до максимум од 8 GB. За складирање на податоците е предвиден хибриден 2.5-инчен „SATA3“ хард диск од 500 GB со 16 GB SSD. Остатокот од опремата се однесува на веб камера со HD 720p резолуција, стерео звучници, „Bluetooth“, „WLAN“, „HDMI“, Мини „DisplayPort“, 3,5 мм приклучок за слушалки и микрофон, три „USB 3.0“ порти и „SD“ читач на картички. Вградената батерија на полнење обезбедува до 6,5 часа непрекината работа.
„Asus Zenbook UX302LA-BHI5T08“ може да се набави по почетна цена од 799,99 долари.
