Коосновачот на „Twitter“, Џек Дорси влезе во бордот на директори на „Walt Disney“, пишува весникот „Wall Street Journal“.
Претседателот и извршен директор на „Walt Disney Company“, Роберт Ајгер изјави дека привлекувањето на Дорси во управувањето, на забавниот гигант ќе му помогне да ги реализира своите стратешки цели. Тие предвидуваат повеќе ефикасно користење на најновите технологии и платформи за да придобијат голем број на луѓе и да се подобрат односите со клиентите.
Од своја страна, Дорси забележува дека поканата да влезе во бордот на директори на „Walt Disney“ е голема чест за него.
„„Disney“ е компанија на сите времиња. Компанија со која ние сме пораснале и на која и се восхитуваме“, изјави тој.
Според информациите во медиумите, Дорси веднаш ќе започне со работа. Тој ќе го заземе местото на Џудит Естрин, поранешениот технички директор на компанијата „Cisco“. Во март следната година за време на редовното собрание на компанијата ќе биде изгласано вклучувањето на Дорси во бордот на директори со целосен мандат.
