„Mandarin Oriental Paris“ е модерен и луксузен хотел сместен во внатрешноста на историската „Арт Деко“ зграда која заживеа на свој единствен начин.
Зборот „Париз“ ви кажува за се во оваа зграда, од уникатен стил, до чувство на припадност и непреминлив луксуз. Комфорот се сретнува со модернизмот во овој хотел, кој е проткаен со суптилна егзотика и романтика, правејќи ја секоја посета уникатна на свој начин.
Овој луксузен хотел ги поврза интернационално познатите имиња од светот на архитектурата и дизајнот. Архитектот Жан-Мишел Вилмот ја надгледувал реновацијата на зградата, фасадите и градината, во консултација со дизајнерот на градини, агенцијата „Neveux-Rouyer“.
Сибил де Маргери од „SM Design“ студиото го дизајнирала ентериерот, декорациите во собите, апартманите, спа центарот и јавниот простор, додека пак, агенцијата „Jouin-Manku“ е заслужна за изгледот на баровите и рестораните.
