Самсунг смартфон ГејмПад

Компанијата Самсунг го претстави контролерот Смартфон ГејмПад наменет за мобилни уреди што користат оперативен систем Андроид.

Смартфон ГејмПад има Д-пад, две аналогни палки, четири копчиња за акција, копчиња селект, старт и плеј, како и копче за вклучување на контролерот.

Игрите „Need for Speed Most Wanted“, „Asphalt 8: Airborne“, „Modern Combat 4: Zero Hour“ и „Virtual Tennis Challenge“ се компатибилни со контролерот на Самсунг.

Апликацијата „Mobile Console“ на корисниците им покажува кои игри се оптимизирани за контролерот и нуди директни линкови за нивно преземање.

Смартфон ГејмПад може да се користи и за Галакси уреди поврзани со телевизиски екран, со што се добива искуство на конзола за игри.