Инсајдерски гласини сугерираат дека Samsung планира големо освежување за јануари, кога покрај „Galaxy S27“, „Galaxy S27+“ и „Galaxy S27 Ultra“, треба да го претстави и сосема новиот „Galaxy S27 Pro“.
Според она што се кажува, „Pro“ верзијата всушност ќе биде „помал Ultra“, но без „S Pen“ пенкалото. Телефонот треба да има екран од 6,47 инчи, како и главна и ултраширока камера идентична со оние на моделот „Ultra“ (додека телефото камерата ќе се разликува).
Ако се прашувавте што да очекувате од капацитетот на батеријата, логично беше да претпоставите дека ќе биде помала отколку на „Ultra“ поради неговите покомпактни димензии, објавува „GSM Arena“.
Сепак, отстранувањето на „S Pen“ пенкалото ослободи сериозен простор во куќиштето. Според новите гласини што доаѓаат од сигурен извор на „X“ мрежата, „Galaxy S27 Pro“ ќе има батерија од 5.000 mAh.
Иако ова е доста скромно според денешните стандарди за кинеските паметни телефони, ова е фантастична вест за „Samsung“ – сегашниот „Galaxy S26 Ultra“ има ист капацитет, а според сите извештаи, и неговиот наследник ќе го има.
