Медицинските истражувачи од Пиза испратија барање од конгресот на ASCO во Чикаго до американската биотехнолошка компанија „Revolution Medicine“ да дозволи експериментална употреба на лекот дараксонрасиб во Европа, за кој е докажано дека го дуплира преживувањето кај пациентите.
„Ја замоливме компанијата да дозволи експериментална употреба за Европа, а со тоа и за Италија, и да го направи тоа што е можно поскоро“, изјави Кјара Кремолини, раководител на програмата за испитување во Универзитетската болница во Пиза, објави ANSA, наведувајќи дека ова ќе им овозможи на пациентите пристап до лекот преку специјализирани центри пред официјално одобрување.
Во меѓувреме, во САД, каде што се чека одобрување од FDA за лекот, веќе е во сила проширена програма за пристап до дараксонрасиб.
„Овој лек доведе до продолжување на преживувањето на пациентите со метастази на рак на панкреас. Следниот чекор кон кој се стремиме е да можеме да ја прошириме употребата на лекот кај пациенти во пораните фази на болеста и без метастази, со цел да се постигне лечење“, нагласи Кремолини.
