Минатиот викенд се одбележа петгодишнината од официјалното излегување на „LG“ од бизнисот со паметни телефони.
Одлуката за повлекување од јужнокорејскиот гигант не беше крај на приказната – компанијата продолжи да произведува телефони до крајот на мај 2021-ва година. Сепак, на 5-ти април 2021-ва година, компанијата официјално потврди дека одборот на директори ја одобрил одлуката за префрлање на фокусот од телефоните на други области.
„LG“ ги продаде преостанатите залихи на телефони со ветување дека ќе објави ажурирања на софтверот за своите најнови модели. И го сторија тоа – „LG Wing доби Android 13“ во април 2023–та година (првично беше лансиран со „Android 10“). Во исто време, компанијата објави нов идентитет на брендот.
„LG Wing“ е делумно причината зошто толку многу ни недостасува „LG“. Не самиот телефон – колку и да беше кул „чудниот“ дизајн, не беше особено практичен – туку фактот дека секогаш можевме да сметаме на „LG“ дека ќе биде смел и ќе проба нешто ново.
„LG“ создаде некои од најинтересните телефони пред и по појавата на „Android“, вклучувајќи го првиот телефон со капацитивен екран на допир (LG KE850 Prada), првите обиди на компанијата за двојни камери („Magic Slot“ на „LG G5“) и телефони со двоен екран (LG V10) и друго.
Заминувањето на „LG“ дојде во лошо време. „LG“ се повлече токму кога технологијата на преклопни телефони почна да се шири. Како би изгледал преклопниот телефон на „LG“ со технологијата во 2026-та година? Дали компанијата можеше да ги усоврши преклопните екрани? Веројатно никогаш нема да дознаеме.
