Се приближуваме до лансирањето на серијата телефони „Samsung Galaxy S26“, а многумина сè уште се прашуваат дали „Galaxy S26 Edge“ ќе го замени „Galaxy S26 Plus“, како и дали „Pro“ ќе дојде на местото на стандардниот модел „S26“.
Поранешните гласини сугерираа дека одговорот на обете прашања е „не“, а најновите протечени информации дополнително ги потврдуваат тие навестувања.
Според PDF документацијата за промоцијата, објавена од одделот на „Samsung“ во Колумбија, серијата „Galaxy S26“ (која се очекува да дебитира на овогодинешниот настан „Galaxy S26 Unpacked“) ќе се состои од моделите „Galaxy S26“, „S26+“ и „S26 Ultra“.
Ова значи дека нема да ги видиме варијантите на телефоните „Galaxy S26 Edge“ и „S26 Pro“.
Ова, од друга страна, не значи дека Samsung целосно ги исклучил гореспоменатите две варијанти на телефонот. Исто така, може да имаме одложено лансирање за „S26 Edge“, но засега сите знаци укажуваат на тоа дека „Samsung“ се откажува од серијата „Edge“.
