За купување на 49 проценти од акциите на авиокомпанијата „Croatia Airlines“ не пристигна ниту една понуда, пишува „Јутарни лист“, повикувајќи се на изјави од владата дека постојат вербални уверувања од индонезиската компанија „Garuda“ дека нивната понуда сепак ќе пристигне во Загреб.
Доколку не пристигне ниту една понуда, најверојатно рокот за продажба ќе биде продолжен за еден месец.
Како кандидати за купување, покрај „Garudа“, се споменуваат и кинеската компанија „China Southern Airlines“, турскиот „Turkish Airlines“ и „Etihad“ од ОАЕ.
Без оглед на резултатот од тендерот, „Croatia Airlines“ ќе продолжи со својот план за реструктуирање, но и ако нема стратешки партнер, тие ќе мораат со сопствени средства да учествуваат во суфинансирањето во висина од 100 милиони евра.
За првите девет месеци од оваа година „Croatia Airlines“ оствари добивка од 2.7 милиони евра. Компанијата прв пат од 2007-та забележа нето-добивка по третиот квартал.
