Фудбалската репрезентација на Македонија бележи скок од две места на ФИФА ранг листата објавен денеска.
Македонската репрезентација сега е на 84. место со 421 поен, колку што има Конго. Во овој период Македонија не одигра натпревар, а минималниот напредок се должи на учинокот на селекциите кои се во близина на македонската селекција на листата.
На врвот во ТОП 10 редоследот е следен: Шпанија, Германија, Аргентина, Колумбија, Португалија, Уругвај, Италија, Швајцарија, Холандија и Бразил. Следното рангирање ќе биде на 19.декември.