„Google“ објави кратко промотивно видео во кое директно го критикува „Apple“ и неговото доцнење во воведувањето на вештачката интелигенција на „iPhone“.
Тизер видеото од 30 секунди, насловено како „Pixel 10 | Наскоро“, користи минималистички тон за да сугерира дека „Apple“ сè уште не ги испорачало функциите на вештачката интелигенција што ги најави во 2024-та година со „iPhone 16“.
„Ако сте купиле телефон поради функција што ‘доаѓа наскоро’, а потоа чекате повеќе од една година, можеби е време да го редефинирате зборот ‘наскоро’… или телефонот“, вели нараторот во видеото.
Во позадина свири инструменталот од „Следната епизода“ на Др. Дре, што многумина го сметаат за суптилна провокација, со оглед на тоа што „Apple“ го купи „Beats“, компанија која е ко-основач на Др. Дре, уште во 2014-та година.
На крајот од тизерот е слоганот „Прашајте повеќе од вашиот телефон“ и датумот на следниот голем настан на „Google“: 20-ти август 2025-та година, кога се очекува официјалната премиера на новата генерација телефони „Pixel“.
Што носи „Pixel 10“?
Се очекува „Google“ да претстави дури четири нови модели: „Pixel 10“, „Pixel 10 Pro“, „Pixel 10 Pro XL“, „Pixel 10 Pro Fold“.
Според претходните информации, сите модели ќе користат нова верзија на асистентот „Gemini AI“, кој веќе овозможува напредни функции базирани на вештачка интелигенција – за разлика од решението на „Apple“, кое сè уште е во тек.
„Google“ очигледно ја користи можноста да добие предност пред настанот „Made by Google“ и дополнително да го промовира „Pixel 10“, потсетувајќи ги корисниците на „iPhone“ дека ветените функции сè уште не се пристигнати.
