Трамп се закани: „Кој ќе се придружи на антиамериканската политика на БРИКС, ќе има дополнителна царина од 10 проценти“

Американскиот претседател Доналд Трамп изјави дека земјите што ќе се приклучат на „антиамериканската политика“ на БРИКС ќе бидат наплатени со дополнителни 10 проценти царини.

„Секоја земја што ќе се придружи на антиамериканската политика на БРИКС ќе биде наплатена со дополнителна царина од 10 проценти. Нема да има исклучоци од оваа политика. Ви благодарам за вниманието кон ова прашање“, рече Трамп на мрежата Truth Social, но не разјасни што се подразбира под „антиамериканска политика“, пренесува Ројтерс.

Земјите основачи на БРИКС во 2009 година беа Бразил, Русија, Индија и Кина.

На овој блок подоцна му се придружи Јужна Африка, а минатата година и Египет, Етиопија, Индонезија, Иран, Саудиска Арабија и Обединетите Арапски Емирати.