Овој петок, 4 јули, на големиот ММА настан ARMMADA 13 во Бачка Паланка, Србија, нашата европска шампионка во ММА, Даниела Алексовска, ќе го има своето полупрофесионално деби. Нејзина противничка ќе биде Ева Круз од Ирска, со искуство од 13 мечеви во категорија до 52.2 кг.
Она што го прави мечот уште повпечатлив е поддршката која ирската репрезентативка ја добива од ММА суперѕвездата Конор Мекгрегор, кој јавно коментира и ја поддржува на нејзините објави.
„Горда сум што ќе ја претставувам Македонија на ова ниво. Не ме загрижува кој стои зад мојата противничка – јас знам кој стои зад мене,“ изјави Алексовска.
Мечот ќе биде пренесуван во живо на Arena Fight каналите, почнувајќи од 21:00 часот.
Ова е историски момент не само за Алексовска, туку и за целата спортска сцена во Македонија. ММА Федерацијата на Македонија ја повикува јавноста на силна поддршка за нашата европска шампионка.
