„IBM“ ја превзема компанијата „Fiberlink Communications“, што е веќе нивна осма аквизиција во последните 18 месеци, а со не сакаат да ја зајакнат својата понуда поврзана со управувањето на мобилните уреди (Mobile Device Management – MDM).
„Fiberlink“ нуди решенија за управување на мобилните уреди сместени во „облак“ под името „MaaS360“. „IBM“ има во план да понуди решенија внатре во „Fiberlink“ во инфраструктурата во облакот „SoftLayer“, a ќе се нуди и како самостојно решение кое се поставува на локациите на корисниците.
Превземањето на „Fiberlink“ се надоврзува на минатогодишното купување на „IBM“ на компанијата „Trusteer“, која е специјализирана за решенија поврзани со сигурноста на мобилните трансакции.
„Fiberlink“ има околу 400 вработени ширум светот, а нивните решенија ги користат компаниите како „Shell“, „Vodafone“ и „MasterCard“. Финансиските детали поврзани со ова превземање не беа објавени.
