Среброто и платината ќе ја стигнат цената на златото

Во текот на изминатата година, златото достигнуваше врв по врв. Не е ни чудо што овој тренд ќе продолжи, бидејќи геополитичката ситуација останува загреана. Другите благородни метали исто така бележат пораст. Во наредните месеци, среброто и платината ќе продолжат да ја стигнат цената на златото, со можност за поостри движења, велат аналитичарите од „Bloomberg“.

Долго време пазарите на платина спиеја, но веќе некое време цената расте и има простор ова да продолжи, истакнуваат аналитичарите. Тие потсетија дека во 2008-ма година, платината достигна врв од 2.500 долари, а потоа нејзината цена падна, како што беше забележан трендот за сите бели метали.

„Сега го гледаме обратниот процес. Логично е среброто и платината да забележат нови зголемувања“, коментираат тие.

Односот помеѓу цената на златото и среброто е важен при изборот на инвестициски актив, но инвеститорите не треба премногу да се потпираат на статистика. Институционалните инвеститори го следат овој коефициент и тој продолжува да влијае врз донесувањето одлуки.

Експертите додаваат дека покрај спот цената и светските пазари, потенцијалните инвеститори треба да обрнат внимание и на цената на физичкиот метал.