Ова не е само играчка од соништата на секое девојче, туку таа ги воодушевува и возрасните со својот магичен шарм….
Оваа модерна Барби кукла сега доби нов изглед во стилот на Божиќните и Новогодишните празници.
Дизајнерот Стивен Џоунс заедно со стоковната куќа „Selfridges“ дизајнираа пет ексклузивни Барби кукли – „Happy Holly“, „Toffee Ice“, „Santa Baby“, „Snow Globe“ и „Christmas Tree“. Овие кукли носат специјални магични и гламурозни фустани и здолништа од најквалитетната свила, крзно од зајак и сл. украсени со кристали, а секоја од нив има и сензационален украс на главата.
Цената на овие Барби кукли изнесува 4.000 долари, нивната серија ќе биде лимитирана, а дизајнерскиот тим се надева дека страсните колекционери ќе успеат да си набават по еден луксузен примерок.
