Температурите на морето во Грција се пониски во споредба со истиот период минатата година, според најновите мерења.
Како што објаснија метеорологзите, овој пад на температурата во Грција е сосема очекуван со оглед на нестабилната и свежа пролет што го одбележа поголемиот дел од Балканот, вклучително и брегот на Егејското Море. Според објавените податоците, може да се види дека температурата на морето се намалува за околу 1 до 2 степени Целзиусови.
За споредба, минатата година на Крф и Родос температурата на морето беше 22 степени, во Солун и Лефкада 21 степен, а на Тасос, Закинтос и Миконос 20 степени.
Сега тие бројки се малку пониски, поточно, на наведените места беше измерено помеѓу 21 и 19 степени. Оваа информација може да биде важна и корисна за сите оние кои планираат да одат на одмор порано, поточно кон крајот на мај и почетокот на јуни.
Температурата е под просекот, а врнежите се над просечните вредности
Патем, од метеорологот Иван Ристиќ беше објавена временската прогноза за сите оние кои планираат одмор токму сега. Таму беше наведено дека во повеќето од нашите омилени морски дестинации ќе биде погодно за уживање во шармот на летото, но УВ индексот ќе биде зголемен поради малку облаци во текот на целиот период, па затоа треба да бидете внимателни и да примените секаков вид заштита од сонце.
Најавено е дека во првите две декади од јуни нема да има значително подобрување на времето и зголемување на температурата. Ќе продолжиме да бидеме под влијание на низок воздушен притисок, а африканскиот антициклон засега не се приближува кон нашите региони, поради што се очекуваат температури во јуни на бреговите на Медитеранот, Јадранското, Егејското и Јонското Море под просекот за тој период од годината, со количина на врнежи што на некои места ќе биде над просечните вредности.
– Тоа не значи дека очекуваме ниски температури и лошо време секој ден, туку дека во првиот дел од јуни нема да има топли денови и дека температурите нема да достигнат екстремно високи вредности, туку дека продолжува периодот на променливо и нестабилно време, со многу пријатни температури – истакна Ристиќ.
Првите топлотни бранови
Во третата декада од јуни се очекува африканскиот антициклон да се приближи кон нашето подрачје, што ќе доведе до стабилизација на времето и зголемување на температурите, па првите топлотни бранови ќе ги има кон крајот на јуни.
– Моменталната температура на морето се движи од 18 до 22 степени Целзиусови и полека се зголемува, така што на крајот на јуни и почетокот на јули ќе се движи помеѓу 24 и 28 степени Целзиусови – рече метеорологот.
Во Грција посвежо во јули, врнежи од дожд на север
Крајот на јуни и почетокот на јули ќе бидат многу топли, спарни со температури помеѓу 30 степени Целзиусови во близина на морето и 35 степени Целзиусови на копно.
– Од 8 јули до средината на јули ќе биде малку посвежо, но сепак топло со максимални температури околу 30 степени Целзиусови. На северот од Грција се очекуваат врнежи од дожд во попладневните и вечерните часови, главно во внатрешноста на земјата, но не може да се исклучат и на морскиот брег. Третата декада од јули ќе биде многу топла, спарна, со температури во централниот континентален дел на Грција до 40 степени Целзиусови, во близина на морето ќе биде попријатно со температури помеѓу 30 и 35 степени Целзиусови – изјави метеорологот.
