Заедно со премиум чипсетот „Xring O1“, кинескиот гигант „Xiaomi“ го претстави и својот најнов флегшип телефон – „Xiaomi 15S Pro“.
Иако „Xiaomi 15S Pro“ е речиси идентичен со моделот „Xiaomi 15 Pro“, чипот „Xring O1“ што го напојува претставува големо достигнување за кинеската компанија.
Создаден и дизајниран од „Xiaomi“, чипсетот е произведен на процесорот N3E 3nm од втората генерација на TSMC. „Xring O1“ има 10-јадрен процесор со две главни јадра Cortex-X925.
Заедно со процесорот доаѓа и 16-јадрен ARM Immortalis-G925 графички процесор, како и 6-јадрен NPU со 44 ТОПС процесорска моќност.
„Xiaomi“ откри дека премиум чипсетот на компанијата постигнал три милиони поени на платформата за бенчмаркинг AnTuTu, надминувајќи го Snapdragon 8 Elite. Xring O1, исто така, постигнува над 3.000 поени за едно јадро и 9.000 поени за повеќе јадра во Geekbench 6, надминувајќи го „Apple A18 Pro“.
„Xring O1“ поддржува најнова LPDDR5T RAM меморија, UFS 4.1 складирање, USB 3.2 Gen2 конекција, Wi-Fi 7 и прилагоден 3-јадрен Xiaomi ISP процесор.
Освен чипсетот, останатите спецификации на „Xiaomi 15S Pro“ се идентични со оние на „Xiaomi 15 Pro“. Тие вклучуваат 6,73-инчен LTPO AMOLED (QHD+ 120Hz) дисплеј, три камери од 50MP (ултраширока, широка и 5x перископ) и силициум-јаглеродна батерија од 6.100mAh со поддршка за полнење од 90W.
„Xiaomi 15S Pro“ работи на „Xiaomi HyperOS 2“, базиран на „Android 15“, и е достапен во црна и сина боја. Телефонот се продава во Кина по цена од околу 765 долари за моделот од 16/512GB, или околу 830 долари за моделот од 1TB. Моментално нема информации за меѓународната достапност на телефонот.
